Jubir GAM: Tragedi Pembantaian Massal (Genosida) Tutue krueng Arakundo Bak Uroe 3 Februari 1999 ARAKUNDO

Warga desa membantu pencarian jenazah korban penembakan di bawah Jembatan Arakundo, Idi Cut, Aceh Timur. (Foto: wikipedia.org)

Jubir GAM:  Tragedi Pembantaian Massal (Genosida) Tutue krueng Arakundo Bak Uroe 3 Februari 1999 ARAKUNDO

Assalamu’alaikum Warahmatullahi Wabarakatuh

Uroe peu ingat Tragedi pembantaian massal (genosida) tutue krueng Arakundo bak uroe 3 Februari 1999- saboh diantara kisah sedih  dji le darah sutji dan neu tumee syahid ateueh bumoe nanggre Atjeh –

Kisah tragedi peu luka hate geutanjoe bandum njoe mantong that seugar dalam ingatan geutanjoe bandum bangsa Atjeh. Keudjadian njoe dji mulai phon bak saboh teumpat di Gampong Matang Ulim, Idi Cut Wilajah Peureulak. Bak teumpat njan malam njan na acara dakwah ke masjarakat njang dituduh le sipai djawa bahwa njan acara dakwah angkatan Atjeh Meurdehka atawa GAM. Watee teungoh geu peudong panggong atjara njan ka trok padum2 droe koramil ka mulai dji peureuloh panggong njan dan dji poh leubeh 10 droe  droe ureueng njang teudong-teudong di sekitar panggong njan. Watee malam atjara ka du mulai menurot haba ta time na sekitar 10,000 droe leubeh masyarakat njang teuka keunan bak acara dakwah malam njan.

Di saat wate ka lheueh bubar acara njan bak kira poh 12.30 malam njan watee lewat kanto koramil Idi Cut bandum kendaraan masjarakat njang ban woe dari teumpat atjara njan ka mulai di razia oleh anggota koramil. Lheueh njan bak poh 1.00 ka mulai deueh su teumimbak ateueh masyarakat sipil njang teungoh meu sak-sak bak djalan ban woe dari atjara dakwah. 58 droe bangsa Atjeh reubah na njang mantong hudep dan na njang ka sjahid bak malam njan. Ban bandum di peu ek ateueh truk sipai djawa dan ji ba u tutue krueng arakundo dji ikat badan deungon kawat dji pasoe lam eumpang dan djiikat eumpang ngon batee. Lheueh njan dji tiek dalam krueng arakundo. Ta meudoa dan ta meulakee uleh bandum bangsa Atjeh bandum sjeedara-sjeedara geutanjoe njan meureumpok pahala sjahid ninak malam njan dan bandum nakeueh geunaseh Allah dan meutumee beunalaih syurga Allah.

Meunan tjit bak watee regim orde lama neugara peundjadjah indonesia djawa ka teudjadi genosida pembunuhan massal di gampong pulot dan gampong cot djeumpa bak watee teungoh teudjadi prang DI/TII. 99 droe ureueng Atjeh warga gampong njang keureudja meulampoh dan meu laot dji peubareh rame-rame bak bineh laot dan sjahid dji timbak. Meunan keuh tjit bak sekitar thon 1965 na kureueng leubeh 4000 droe bangsa Atjeh di padum2 boh titik seluruh Atjeh dji timbak shahid oleh teuntra peundjadjah indonesia djawa sabab djituduh sibagoe awak PKI.

Bak watee regim orde baro peundjadjah indonesia djawa le tjit lom keudjadian2 njang peu weueh hate geutanjoe njang ka teudjadi ateueh bangsa geutanjoe Atjeh. Keudjadian genosida pembantaian massal tgk bantaqiah ka shahid 57 droe warga sipil bangsa Atjeh di Dajah Babul Al-Mukarramah Beutong ateueh Nagan Raya djitimbak uleh tentra sipai djawa indonesia. Meunantjit tragedi gesosida pembantaian massal ateueh warga sipil bangsa Atjeh di Simpang KKA njang kereuebeuen sjahid nakeueh 46 droe dji timbak oleh tentra sipai djawa indonesia.

Kisah seudih njang lagee njoe rupa ateueh bangsa Atjeh nakeueh saboh seunambong kronologis kisah kepahlawanan bangsa Atjeh nibak jameuen kon – bak peu theuen deelat dan meurdehka negara Atjeh, peu theuen dan bila panji-panji kalimah tauhid dan kemuliaan agama Islam di ateueh bumoe Atjeh, peu theuen cara hudep Islam dan tamaddun saboh bangsa rayek dan mulia di bumoe Atjeh dan di bumoe keurajeuen2 melayu dimiyub angen.

Dalam Prang kolonial Belanda njan na lhee tahap mulai 1873 hana piyoh2 sampoe thon 1942 watee trok Jeupang. Tahap phon Beulanda di peu-ek prang phon u Atjeh bak uroe 26 Maret 1873 bersamaan 26 Muharram 1290 H. 6 boh kapai angkot teuntra. 5 boh kapai layeue. 400 teuntra bangsa Beulanda. 1000 droe kuli jawa kontrak. Dimiyub peurintah mayor jendral kohler. Tahap keu 2 di mulai bak uroe 09 Dsember 1873 sampoe Desember 1911. 8000 sidadu Beulanda dan jawa dimiyub pimpinan Jendral van swieten. Tahap keu 3 Desember 1911 sampoe Maret 1942 thon watee itamong jeupang u Atjeh dlam prang donja keu 2.

Kaphe kolonial Beulanda seb le tjit dji peugot buet keji pembantaian massal atawa genosida ateueh bangsa Atjeh ban saboh Atjeh dji bantu oleh teuntra kuli bangsa djawa dalam pasukan marechaussee. Roh cit di sinan keudjadian njang ka teudjadi di wilayah gayo dan Alas. Leubeh 4000 droe Bangsa Atjeh warga sipil meutumee shahid di gayo lues dan gayo alas. Sitjara keseluruhan, Bangsa Atjeh njang shahid habeh umu dalam prang ngon kaphe Beulanda nakeuh 250,000. Dan rame nibak jumlah njan nakeueh ureueng biasa atawa ureueng sipil.

Mulai nibak prang kolonial Beulanda kon sipai Djawa njan ka roh dalam pasukan marechaussee dji djak prang geutanjoe bangsa Atjeh dan neugara Islam Atjeh dji bantu peudong peundjadjahan kaphe beulanda ateueh neugara geutanjoe bangsa Atjeh. Dan uroenjoe neugara peundjadjah indonesia jawa njan harus meutanggong djaweueb punoh ateueh pembantaian massal dan genosida ateueh bangsa geutanjoe Atjeh di ateueh bumoe Atjeh njang mulia dan meu deelat njoe samaada uleh endatu djih dalam pasukan marechaussee, pasukan sipai water orde lama atawa pasukan sipai watee orde baro. Adak golom ta tumee meurdehka atawa kalheueh ta peu meudehka neugara Islam Atjeh njoe ukeue InsyaAllah segala macam kekejaman dan pembantaian ateueh bangsa geutanjoe warga Atjeh mulia njoe akan geutanjoe peu tanggong djaweueb punoh ateueh pendjadjah indonesia djawa mahkamah keuadilan internasional dan di badan-badan dunia njang laen. Geutanjoe bangsa Atjeh berhak ta mita keuadilan dan pembelaan sereuta peurtnggong djawaban ateueh djeueb2 bangsa geutanjoe njang habeh umu dalam pembantaian massal. Pemerintah Belanda dan Neugara illegal peundjadjah indonesia djawa harus meungakui perlanggaran hukum prang di Atjeh dan dji lakee meuah keu bandum bangsa Atjeh sereuta djitem meutanggong djaweueb sitjara moral dan finansial ateueh kereubeuen genosida njang djipeulaku di ateueh bumoe Atjeh.

Pajah sabe ta pasoe dalam dada dan hate bahwa jasa syuhada dan pahlawan bangsa Atjeh njoe teutap sabe meu jum njang lambong that dan hana bangsa laen ateueh rhueng donja njang saban kha dan meu-setia lagee bangsa geutanjoe Atjeh. Djeueb2 generasi bangsa Atjeh sabe na lahe bidjeh mulia pahlawan2 kha geu tem dan rela geu rho darah sutji droeneuh njan bak bila dan peu theuen kemuliaan dan kesucian neugara Islam Atjeh sereuta cara hudep bangsa Atjeh ateueh dasar Al-Quran dan As-Sunnah sereuta qiyas dan ijmak ulama sampoe an habeh umu donja fana njoe.

Djeuëp-djeuëp keudjadian pembantaian massal ateueh djeueb2 bangsa Atjeh nakeuh saboh drama keubangsaan, disinan aneuk bangsa Atjeh peu-bukti saboh kisah kepahlawanan Atjèh ka geupeuleumah bak dônja, dan leubèh peunténg lom bak aneuk-tjutjo, pakriban sipheuët pahlawan bansa Atjèh bak watèë nanggroë dan bansa na dalam baja, pakri ban geutu’oh hudép dan geutukri maté.

Meunankeuh, peumipin-peumimpin Atjèh njang mat tanggông djaweuëb bak peutheun keumeurdéhkaan nanggroë Atjèh njoë ka geupeuleumah bak seudjarah dônja, mangat ta deungo lé geutanjoë keuturônan Atjèh dimasa ukeuë: bahwa keumeurdéhkaan bansa dan nanggroë Atjèh njoë na leubèh that peunténg nibak njawong sidroë-droë ureuëng Atjèh, bôh ureuëng ulèë, bôh ureuëng iku, bôh teuntra, bôh panglima. Ka geu peuleumah, maté bak peutheun hak bansa dan nanggroë droëteuh njoë na leubèh djroh nibak hudép sibagoë bansa lamiët dimijub djadjahan bansa laén njang teuka. Ka geupeuleumah deungon buët Ié éndatu geutanjoë , gobnjan sabé keumaih deungon peudeuëng bak djaroë, rintjông bak keuiëng, beudé bak bahô, bak geumaté peulindông tanoh mulia pusaka njoë nibak rhôt dalam djaroë musôh laknat njang teuka. Njoë keuh jum meurdéhka dan hareuga mulia, njang éndatu geutanjoë sabé keumaih that bak geubajeuë. Njoë keuh pat asai-usui, neuduëk keubeusaran dan keumuliaan bansa dan nanggroë Atjèh njoë dalam dônja. Bansa njang han tém peubuët lagèë njoë keumeung djeuët keu bansa lamiët gob dalam dônja.

Geutanjoe di Majlis GAM Pusat sabe menyerukan keu bandum NGO dan Civil Society Acheh supaya bek piyoh2 sabe peu teungoh isu2 pembantaian massal ateueh bangsa Atjeh oleh peundjadjah dan peurampok neugara Atjeh njoe mulai nibak awai masa prang kolonial Belanda di Atjeh, lheueh njan bak watee regim orde lama Indonesia Djawa Sukarno sampoe an trok regim regim orde baro Indonesia Djawa Suharto dan Megawati sibagoe saboh upaya untok sabe peu hudep kesadaran politek ateueh generasi bangsa Atjeh bahwa nanggroe Atjeh mulia njoe mantong di djadjah dan dji rampok oleh bangsa luwa teuka dari pulo djawa dan bangsa Atjeh mantong sabe teutap aktif dan inspiratif untok peu buet, seumike dan marit sibagoe saboh jiwa njang meurdehka dan meudeelat untok peubibeueh dan peu glaih bangsa njoe dari rante peundjadjahan dan pembudakan.

Geutanjoe di Majlis GAM Pusat meusigo deungon aneuek2 bangsa Atjeh dalam NGO dan Civil society Atjeh untuk teutap sabe ta peu djuang dan ta bila seureuta ta agendakan segla matjam bentuk protes, pelaporan dan pembelaan untok ta tumee saboh keuadilan dan jum marwah bangsa Atjeh ateueh rhueng donja njoe dan hana akan ta piyoh segala matjam osaha njang ta tjok supaya jum dan neuduek bangsa Atjeh mulia njoe harus dji hormati dan dji akui oleh bangsa2 toh pih ateueh rhueng donja njoe. Ban bandum pihak njang peulaku peurlanggaran hukum dan keujahatan prang di ateueh bumoe neugara Atjeh harus beuho tjok konsekwensi dan akibat berlandaskan hukum prang dan hukum hak asasi internasional.

Et noe keuh dile nibak geutanjoe go njoe

Sigolom geutanjoe ta top marit mari keuh saban2 ta kirem pahala surah al-fatihah keu bandum para syuhada bangsa Atjeh mulia njang roh dalam peristiwa genosida pembantaian massal uleh kaphe kolonialis beulanda dan siapi djawa marechaussee dan teuntra sipai peundjadjah indonesia djawa. Ta meulakee seumoga bandum2 nibak bangsa geutanjoe njan nakeuh geunaseh Allah dan keu asoe syurga jannatun naim. Amin Ya rabbal alamin.

Wassalamu’alaikum Warahmatullahi Wabaraktuh