Haba duka keu Bangsa Atjèh dan Saleuëm T’akziah.
Ka neuwoë bak Allah sidroë ulama meutjeuhu Nanggroë Atjèh, H. Muhammad Amin Mahmud (Abu Tumin Blang Blahdéh) bak uroë Seulasa 27.09.2022,1. Rabi ul Awal 1444 poh 15:45 di rumoh sakét Fauziah, Bireuën, Wilajah Neugara Atjèh
Allah ka Neutjok pulang salah sidroë ‘’Warisatulambija’’ njang na di bumoë Atjèh. Geutanjoë meurasa geumadoh tjahaja nasihah, keu geutanjoë ka teutôp saboh teuk pintô ‘ileumèê. Malahan geutanjoe ka meutamah kureuëng ureuëng bako-bako lam saboh mideuën peurdjuangan.
Peuëlah geutanjoë manusia, Allah leubèh meutjhén dan Neutjinta keudroëneuhnjan. Deungon haté njang beukah geutanjoë djeuët ta kheuën ‘’ Seulamat neudjak hai ulama nanggroë,seumoga teumpat droëneuh di zannatul firdaus, amin…’’
Keu keuluarga njang neutinggai, seumoga beridha ateuëh sigala peuteuntèë nibak Allah, beusaba dan teutap tabah. Njang InsjaAllah geutanjoë njang mantong Allah bri hudép,sabé bakai ta kirém do’a.
Keu geutanjoë njang geutinggai, beudjeuëtkeuh njoë keusaboh peusan peuingat keusadaran,njang geutanjoëtjit akan ta seutot langkah droëneuhnjan saboh watèë. Uléh seubabnjan, peuseuleusoë peuë njang mantong djeuët keu tanggong djaweuëb. Peugisa peuë njang ka gadoh, peubeutoi peuë njang ka reuloh. Nanggroë Atjèh mantong lam reugam peundjadjah.
Ateuëh nan Geurakan Atjèh Meurdéhka, sigo teuk kamoë peusampoë saleuëm t’akziah dan lansongkawa.
Wassalamualaikum warahmatullahi wabarakatuh.
Njang Ihklaih dan Ateuëh Nan Djubir Madjeulih Geurakan Atjèh Meurdèhka
Ilham Sulaiman Abdul Ghani
