Pidato Amanah
Uroe Teken Meunjeurah ‘MoU Helsinki’ nibak Padum2 droe Eks Pimpinan GAM dan Cs keu Peundjadjah Kolonialis Indonesia Djawa.
Assalamualaikum Warahmatullahi Wabarakatuh.
Bandum Pudjoe ta peu woe keu Po Teuh Allah Subhanahu Wa Ta’ala. Seulaweuet dan Saleuem ta kirem keu Pang Ulee rajek Rasul njang keseneulheueh Nabi Muhammad Sallallahu Alaihi Wasallam.
Keu Bandum Bansa Atjeh Meurdehka,
Dame uroe njoe hana arti sapeue keu kamoe bansa Atjeh. Njoe nakeuh buet teumipee buet semengeuet ateuh bansa Atjeh. Dan hakikat djih kon hanja seumata untok dame yg kamoe peu djuang meu tapi leubeh rayek lom dalam konteks saboh bansa dan entity politek deungon saboh keuagungan dan keumegahan seudjarah bansa atjeh turun teumurun ka meuribee thon.
Dame njoe laba keu regime kolonialist indonesia djawa untok rampok tanoh atjeh, sumber daya petro kimia gas, sumber daya mineral dan buruh dan tenaga peladang murah.
Dame njoe laba keu mantan pimpenan gam dan klompok djih njang ka jipeubloe bansa dan tanoh ie serta segala kekajaan tanoh pusaka njoe keu kolonialist indonesia djawa. Ka dji peubloe kemuliaan droe djih dan di gantoe deungon kehinaan sibagoe lamiet. Ka dji tem seumah indonesia djawa dan jeuet keu badot boneka si peundjadjah. Kamoe bansa Atjeh ka biasa kalon fenomena lagee njoe sbb kalheueh teudjadi awai keue tgk daud bareueh dan staff2 droeneuh sktr thon 60-an dan teuma lheueh njan sidroe treuk pengkhianat Hasan Saleh dji serah bandum sindjata pasukan komando djihad keu peundjadjah Kolonialis Indonesia djawa dan dji menjeurah.
Prang dan perlawanan resisten njoe deungon tujuan leubeh rajek nibak dame nakeuh untok Peu gisa jati droe / identity yg asli nibak bansa Atjeh. Saboh peurdjuangan seunambong untuk revolusi mentality, revolusi identitas bangsa dan revolusi pemikiran meurdehka.
Tjara keuridja kamoe saban lagee awai. Mengaplikasi kaedah diplomasi/politek luwa nanggroe njang saban. Kamoe bangun hubungan dua hala bilateral atawa multilateral yg sehat dan njang dukung perjuangan kemerdekaan dan dekolonisasi bangsa atjeh. Ta mita lobby negara2 sahabat, organisasi2 pergerakan kemerdekaan njang saboh nasib dlm wilajah jajahan kolonial indonesia djawa atawa di serata bagian dunia, badan2 internasional, ngo2 hak asasi manusia dll.
Padjan atjeh dan seluruh bansa atjeh akan merasa hudep dame njang sibeutoi djih? Njankeuh watee bandum kemuliaan, hak kebebasan, keudaulatan dan kemerdekaan ka meugisa keulai u tanoh atjeh. Watee segala bentuk kolonialisme, peudjajahan dan perampokan ka dji tubiet dari tanoh atjeh. Watee bansa atjeh ka ji mat keudroe keumudo dan dji ato keudroe peumeurintahan, politek dan ekonomi neugara persekutuan Atjeh dengan sistim, nilai dan perlembagaan pusaka atjeh turun temurun.
Njoekeuh makna kedaulatan. Kedaulatan nakeueh kebebasan geutanjoe ato dan kelola keudroe teuh saboh neugara dan peumerintahan deungon hana djampu djaroe dari bangsa laen. Hana politek luwa nanggroe gob dji djak djampu djaroe urosan politek domestik dalam nanggroe geutanjoe.
Perdjuangan, perlawanan dan peunentangan lawan peudjadjah kolonialis indonesia djawa njoe nakeuh amanah dan tanggung djaweueb ateueh djeueb djeueb generasi bansa Atjeh barangkadjan pih. Meunankeuh njang ka geu amanah uleh endatu dan sjeedara2 geutanjoe njang ka sjahid geu djok njawong geuh keu agama, bansa dan neugara. Hana ta tem hudep hina sibagoe lamiet ateueh tanoh Atjeh mulia njoe. Kru Seumangat!
Hudep Beu-Sare, Mate Beu-Sadjan
Sikrek Gaphan, Saboh Kereunda.
Wabillahi Taufik Wal Hidayah Wassalamualaikum Warahmatullahi Wabarakatuh.
Tengku Sulaiman Abdul Razak Tiro
Jubir Majlis Gerakan Atjeh Meurdehka Pusat
Stockholm, Sweden.
15 Agustus 2024 M
09 Safar 1446 H
