Yusuf Kalla: 11 Konflik Besar Akibat Tidak Adil, Aceh Salah Satunya
Assalamu’alaikum Warahmatullahi Wabarakatuh. Saleuem silaturrami, meu-tjhen sereuta meubahgia keu bandum bansa ulontuan bansa Atjeh mulia di barangkapat pih ateueh rhueng donja Allah njoe.
Peureulee that bandum geutanjoe bansa Atjeh ta ingat bahwa peukara buet peurdjuangan geutanjoe bansa Atjeh kon semata-mata persoalan asoe pruet lagee njang dji klaim uleh Jusuf Kalla.
Meutapi peukara keubangkitan popular bangsa Atjeh sampoe an uroenjoe nakeueh nakeuh saboh geurakan politek peu-teuntee nasib droe nibak peundjadjahan bansa luwa teuka ateueh entiti politek, peumerintahan dan sosial budaya bansa Atjeh mulai nibak thon 1945 lheueh habeh era kolonialisme bansa Belanda dari Barat dan dari sudut pandang hukum internasional dan hukum internasional hak asasi manusia di geneva sereuta hukum nasional Atjeh ka meugantoe lom teuma deungon peundjadjahan kolonialisme bansa Djawa dari Asia ateuh keudaulatan saboh bansa Atjeh njang meurdehka, ateueh tjara hudep, ateueh agama, ateueh tatanan sosial, adat, budaya, reusam sereuta qanun bansa Atjeh.
Saban-saban geutanjoe ta peu beudoh keusadaran politek geutanjoe bansa Atjeh bandum bahawa persoalan gerakan politek peurdjuangan geutanjoe sabe na dalam saboh skop njang luwaih lageena ateueh isu hudep dan mate, mulia dan hina saboh entiti politek dan peumerintahan saboh bansa rajek dan mulia sereuta meu-peuradaban lambong ateueh rhueng donja njoe.
Persoalan entiti politek Neugara, kesultanan dan pemeurintahan Atjeh nakeueh saboh asai usui peuradaban dan kehormatan dunia melaju di tanoh melaju, sumatra, jawa barat, pattani, champa kemboja, keuradjeuen sulu dan laen². Neugara dan kesultanan Atjeh ibarat aduen agam paleng tuha di negeri² bawah angen alam dunia melaju.
Wallahua’lam Bisshawab …..
Tengku Sulaiman Abdul Razak
Anggeta Madjeulih GAM Pusat.
